In ❤️ per la educaziun, il sport, la cultura e l’ambient

Charas visitadras, chars visitaders

Sco cusseglier guvernativ e manader dal Departament d’educaziun, cultura e protecziun da l’ambient m’engasch jau per ils temas multifars da quest departament.

Il dialog cun las burgaisas ed ils burgais è per mai da gronda impurtanza. Jau ma legrel, sche Vus ma contactais.

Jon Domenic Parolini, cusseglier guvernativ
Parsura dal Departament d’educaziun, cultura e protecziun da l’ambient dal Grischun

20 onns SAP dal Grischun cun Gian-Paolo Curcio, Maurin, Mena e Hans-Peter Märchy

Radunanza plenara da la conferenza dals directurs da l’educaziun publica dals chantuns da la Svizra orientala e dal Principadi da Liechtenstein a Mustér

Inscunter cun l’universitad da Turitg e represchentants dal Swiss Institute of Allergy and Asthma Research (SIAF)

Cuschinar communabel a chaschun da l’Emna Rumantscha cun il cuschinier Andreas Baselgia, cusseglier federal Ignazio Cassis e cun il president dal Cussegl naziunal Martin Candinas

IBU Open biatlon Lai ensemen cun la victura, 7.5 km sprint Merkushyna Anastasiya

Al telefon per la collecta da la Chadaina da Fortuna ensemen cun l’uvestg Joseph Maria Bonnemain.

Las regenzas dal Grischun e dal Vorarlberg èn sa scuntradas a Feldkirch en il Palais Liechtenstein per discurs da lavur.

Partenza sportiva en la sessiun d’october 2022 cun Annik Kälin

En il discurs cun il president da la confederaziun Ignazio Cassis a chaschun da la conferenza dals ambassadurs 2022 a Puntraschigna

A la consegna reala dal pitschen regal symbolic. Igl è in „Beinächuà“, il termagl da oss da la giugadira a la presidenta partenta Elisabeth Mani-Heldstab.

Cusseglier guvernativ

Dapi il 1. da schaner 2015 sun jau en uffizi sco cusseglier guvernativ e main il departament d’educaziun, cultura e protecziun da l’ambient dal Grischun (DECA).

Jau ma legrel zunt fitg che Vus As interessais per ils temas multifars da noss departament. Quels cumpiglian

la scolina ed il stgalim primar, la cussegliaziun da scola e d’educaziun, il sport e las scolas da talent;
la furmaziun professiunala, la cussegliaziun professiunala, las scolas autas e las scolas medias;
l’archeologia, la tgira da monuments, la promoziun da la cultura, ils museums e la promoziun da linguas;
la gestiun da ruments, il mantegniment da l’aria pura, la protecziun da la natira ed ils parcs, las auas dals abitadis sco er
l’egualitad, «baselgia e stadi» ed ils stipendis.

Sche Vus avais dumondas, remartgas u propostas davart ils champs d’incumbensa dal DECA u en general davart temas politics, alura ma contactai per plaschair.

Miras

Sco chef dal Departament d’educaziun, cultura e protecziun da l’ambient dal Grischun

Implementaziun dal concept da la cultura

Implementaziun da las mesiras per realisar la strategia d’equalitad 2030 „egual 21“
Implementaziun da las mesiras conretas per il sustegn da la trilinguitad cun il nov post spezialisà per plurilinguitad
Implementaziun da la promoziun da linguas en il sectur da scolas
Revisiun parziala da la lescha da scola
Concretisar da la revisiun parziala da la lescha da scola, meglieraziun da las pajas da mussaders, facilitaziun da vegliadetgna da lavur parziala
Accumpagnament a concretisar dal nov center scola auta da la Scola auta spezialisada dal Grischun (FHGR/SASGR)
Elavuraziun dal plan d’acziun Green Deal per il Grischun
Implementaziun da l’emprima etappa dal plan d’acziun Green Deal
Preparaziun da la segunda etappa
Promoziun da l’economia circulara
Construcziun dal nov center per perscrutaziun dal clima
Da pli protecziun per uffants e giuvenils durant il temp da scola grazia instrucziuns per ina plazza
Implementaziun del concept per promover il sport
Promoziun dal sport popular e d’elita
President da la Conferenza da las regenzas dals chantuns da la Svizra Orientala

Focus

Sco chef dal Departament d’educaziun, cultura e protecziun da l’ambient dal Grischun

Relaschada dal concept da la cultura
Relaschada da las mesiras per realisar la strategia d’equalitad 2030
Rinforzament da la trilinguitad. cun 80 propostas per mesiras concretas
Promoziun da linguas en il sectur da scolas
Preparaziun da la revisiun parziala da la lescha da scola
Accumpagnament per il process da la separaziun dal HTW da la Scola Auta Spezialisada da la Svizra Orientala a in institut autonom e la midada da num per Scola auta spezialisada dal Grischun (FHGR/SASGR)
Nova creaziun dal post spezialisà per la plurilinguitad
Elavuraziun dal plan d’acziun Green Deal Grischun e relaschada l’emprima etappa dal plan d’acziun Green Deal per il Grischun
Construcziun dal nov center per perscrutaziun dal clima
Da pli protecziun per uffants e giuvenils durant il temp da scola grazia instrucziuns per ina plazza
Relaschada del concept per promover il sport
Reoccupaziun da differentas plazzas da cader superiur ECPA
President da la regenza 2019